တစ်ဖက်နဲ့တစ်ဖက်
....ပြတ်............
ရွေ့.....သွားကြသလိုမျိုး
“ခေါ်ဆိုလို့မရနိုင်ပါ”
ခေါ်ဆိုလို့မရနိုင်ပါ........ညီမလေး နှင်းဝေလွင်။
အခု
အရိပ်တွေဟာ အရပ်ထက်ရှည်ချင်လည်းရှည်နေမယ်
လူ့အဖွဲ့အစည်းအတွက်
ကဗျာဆရာကိုယ်တိုင်
အဆိပ်အတောက်ဖြစ်ချင်လည်းဖြစ်နေနိုင်တဲ့နေ့တွေပဲ။
တစ်ယောက်ကိုတစ်ယောက်က
ဖိုင်ဆိုဇ် အကျယ်ကြီးထဲမှာ
တခမ်းတနားသိမ်းဆည်းထားဖို့ရာ
မလွယ်ကူနိုင်လွန်းတဲ့နေရောင်ခြည်အောက်
သတိတရရှိလှခြင်းဆိုတာလည်း
ကြိတ်စက်ထဲကထွက်လာတဲ့ကြံဖတ်တွေလို
နီကျင့်ဖေါ့သွပ်လို့နေတယ်။
အခု
ဝေးပျလေးလံခြင်းကို
ခြေထောက်တွေက ကြေကြေကွဲကွဲ ထောက်ကန်ထားကြလျက်နဲ့
နာရီနှိုးစက်မှာ
စီးနင်းထားတဲ့ ဖိနပ်သည်းကြိုးမှာ
ဆံပင်မှာ လက်မှာ
လူမှုဆက်ဆံရေးနယ်ပယ်မှာ
လူကူးမျဉ်းကျား လတ်တလောပေါ်မှာ
အဲဒီကျပ်ခဲပိတ်ဆို့မှုဟာ
ဒီအတိုင်းပုံမပျက် ပျံ့နှံ့စီးဆင်းနေရရှာတယ်။
“ရှင်ပဲချစ်ကြောင်းကြိုက်ကြောင်းဒီကဗျာကို တဖွဲ့တနွဲ့ရေးပေးခဲ့တာပဲလေ”လို့
မင့်ပါးကသွေးကြောမျှင်စိမ်းကလေးတွေကို
မင့်မျက်ရည်နဲ့ ထပ်ကာထပ်ကာလောင်းမစိုက်ချင်ပါနဲ့တော့ ညီမလေး.....
အခု ကဗျာဆရာကိုရုပ်ဝထ္ထုဆန်မှုတွေက
ခေါ်ယူတင်ဆောင်သွားကြပြီဆိုတဲ့အကြောင်း
မင်းဆီ သွေးထွက်သံယို ခေါ်ဆိုတော့ဖို့ဟာ
“ခေါ်ဆိုလို့မရနိုင်ပါ”
“ခေါ်ဆိုလို့မရနိုင်ပါ”တဲ့
ခေါ်ဆိုလို့မရနိုင်ပါ ညီမလေး......နှင်းဝေလွင်........။ ။
ဝီရထက်နောင်
Friday, July 23, 2010
Subscribe to:
Post Comments (Atom)
No comments:
Post a Comment